viernes, 24 de julio de 2009

Tsä’änytyu’äm

Ku jam Joyjotp njä’ätën, jam këxp myëkexpety ja’ kääjp te’ep xyë’ajtpy Tsä’änytyu’äm. Jam ëëts axëëy ja’ tu’u npëkt ta atya’aky ëëts npatëkët; ku jam këxp njä’äjtën tsujnaxy ja’ jey kyu’exnaxy jëts nate’n ja’ kojpk mää te’n ojts ja’ Konk’oy kyaxi’ikyën. Ja’y ëëts nnijyä’äty ku jaa xem jaa yäm ja’ jä’äy ëëts xkaxpe’kxy. Jantsy amatyä’äk jä’äy jam taa te’n pojë’n ëëts xmëtmatyakojt. Kaa ja’ jä’äy ttaxontä’äkt ku jam te’n ja’ atom nteety Konk’oy kyupuujx kyukääjp. Te’n nate’n tmatyä’äkt ku jamëk te’n ja’ Konk’oy myëka’ax nyääjxy jëts jam te’n tinyë’m kyaxi’iky mää te’n ojts ja’ expaajtën t’aktany, japety te’n ja’ kääjp xyëë Tsä’änytyu’äm. Xontäkp ëjts n’änmëjä’än ku ëjts tsyäm ku ja ajäj atë’kx xtuk’ixy xtukpääty ja´et ja’ nääjx mää te’n ja’ jëntsën Kong’oy kyaxi’ikyë’n.

No hay comentarios:

Publicar un comentario